Í þessari bók eru valin verk úr safneign Listasafns Íslands sem fjalla með ólíkum hætti um þjóðsögur og sagnaheiminn sem tengist þeim. Fræðsluefnið byggir á vinnu sérfræðinga Listasafns Íslands, sem í samstarfi við listamenn, þjóðfræðinga, kennara, skóla og nemendur um allt land hafa þróað nýtt efni til fræðslu og skapandi umræðu. Listaverkin sem hér eru kynnt eru valin með það að markmiði að nýtast öllum skólastigum. Þau stuðla að samræðu og tengjast beint mynd- og menningarlæsi. Einnig fylgja hugmyndir að skapandi leikjum sem nota má sem uppbrot í kennslu eða sér til gamans. Auk þess eru í bókinni valdar þjóðsögur, flestar úr þjóðsagnasafni Jóns Árnasonar.
Upplýsingar:
- Titill: Stattu og vertu að steini!
- Höfundar: Ragnheiður Vignisdóttir, Marta María Jónsdóttir, Ingibjörg Hannesdóttir og Dagrún Ósk Jónsdóttir
- Útgefandi: Listasafn Íslands
- Tungumál: Íslenska