Bókin Járn, hör, kol og kalk er unnin á árunum 2020 til 2024 og kynnir verk Þóru Sigurðardóttur myndlistarmanns. Unnið var að gerð bókarinnar að nokkru samhliða undirbúningi fyrir sýningu í Listasafni Íslands sem nú stendur yfir. Í bókinni eru myndir af verkum sem flest eru unnin á árunum 2016-2023, en einnig nokkur verk frá árunum 1992 til 1994 sem tengjast þemanu sem sýningin í Listasafni Íslands hverfist um: hversdaglegum plönum, rými, teikningu og eiginleikum efnis. Í bókinni eru einnig ljósmyndir frá vinnustofu listamannsins. Kristín G. Guðnadóttir listfræðingur ritar inngang en í bókinni birtast einnig fimm textar eftir jafn marga höfunda; þeir textar voru unnir í tengslum við sýningar á verkum Þóru á árabilinu 1998 til 2017.
Höfundar texta eru Ann-Sofie Gremaud, Erin Honeycutt, Gunnar Harðarson, Geir Svansson og Sigurbjörg Þrastardóttir. Bókin er 144 síður, allir textar á íslensku og ensku. Hún er hönnuð af Hildigunni Gunnarsdóttur og gefin út af Pennu sf.